Book
int64 1
66
| Chapter
int64 1
150
| Verse
int64 1
176
| Scripture
stringlengths 3
2.68k
|
|---|---|---|---|
1
| 1
| 1
|
<TS1><font color=teal>Izypy mehe arer</font><Ts><TS1>Tupàn uzapo maꞌe upaw rupi aꞌe<Ts>Izypy mehe Tupàn uzapo ywak aꞌe, uzapo ywy aꞌe no.
|
1
| 1
| 2
|
Nuzapo kwaw Tupàn ywy ikatuahy maꞌe romo aꞌe ꞌar rehe aꞌe rihi. Naheta kwaw wikuwe maꞌe aꞌe ꞌar mehe ywy rehe aꞌe rihi. Xo yryhu ohoete maꞌe zo heta. Ipytunahy haw upyk yryhu aꞌe. Tupàn Hekwe wiko ꞌy ꞌaromo aꞌe.<CM>
|
1
| 1
| 3
|
Naꞌe uzeꞌeg Tupàn. — Tuwe heta tatainy, iꞌi. Aꞌe ꞌar mehe we tatainy uzypyrog weta pà.
|
1
| 1
| 4
|
Wexak Tupàn tatainy ikatuahy haw. Umunyryk kar ipytunahy haw imono izuwi.
|
1
| 1
| 5
|
Tupàn omono her tatainy pe. — ꞌAr, iꞌi izupe. Omono her pytunaw pe no. — Pyhaw, iꞌi izupe. Upaw pytun oho aꞌe. Ikuꞌem kury. — ꞌAr ipy, iꞌi izupe.<CM>
|
1
| 1
| 6
|
Naꞌe Tupàn iꞌi uzeupe. — Amuzaꞌak putar ꞌy ihe nehe kury, mokoz pehegwer romo iapo pà ihe nehe kury, iꞌi uzeupe.
|
1
| 1
| 7
|
Uzeapo maꞌe izeꞌeg rupi katete. Tupàn uzapo ꞌy imuzaꞌakaw aꞌe. Amo ipehegwer upyta iwy pe aꞌe. Amo ipehegwer inugwer upyta iꞌaromo aꞌe no.
|
1
| 1
| 8
|
Naꞌe Tupàn omono her aꞌe ꞌy imuzaꞌakaw pe aꞌe. — Ywak, iꞌi izupe. Upaw pytun oho no. Ikuꞌem kury. — Mokoz haw ꞌar, iꞌi izupe.<CM>
|
1
| 1
| 9
|
Uzeꞌeg wi Tupàn aꞌe kury. — Tuwe ꞌy ywak iwy pe har uzemonoꞌog pitài ꞌy romo uzeapo pà aꞌe nehe. Nezewe mehe ywy uxinig maꞌe uzekwa kar putar aꞌe nehe no, iꞌi. Uzeapo maꞌe izeꞌeg rupi katete.
|
1
| 1
| 10
|
Tupàn omono her ywy uxinig maꞌe pe kury. — Ywy, iꞌi izupe. Omono her ꞌy uzemonoꞌonoꞌog maꞌe kwer pe no. — Yryhu, iꞌi izupe. Tupàn wexak wemiapo kwer ikatuahy haw paw rupi.
|
1
| 1
| 11
|
Naꞌe Tupàn uzeꞌeg uzeupe. — Tuwe ywy umuezuz kar maꞌe teteaꞌu nehe. Tuwe hezuz maꞌeàꞌyz hereko har paw rupi aꞌe wà nehe. Tuwe hezuz iꞌa maꞌe paw rupi aꞌe wà nehe no, iꞌi. Uzeapo maꞌe izeꞌeg rupi katete.
|
1
| 1
| 12
|
Ywy umuezuz kar maꞌe teteaꞌu aꞌe: maꞌeàꞌyz hereko har paw rupi katete, maꞌeꞌa hereko har teteaꞌu no. Naꞌe Tupàn wexak uzeapo maꞌe kwer ikatu haw.
|
1
| 1
| 13
|
Upaw pytun oho. Ikuꞌem kury. — Naꞌiruz haw ꞌar, iꞌi izupe.<CM>
|
1
| 1
| 14
|
Naꞌe Tupàn uzeꞌeg wi kury. — Tuwe heta tatainy ywak rehe aꞌe wà nehe. Nezewe mehe ꞌar uzawy putar ipytunaw nehe. Nezewe mehe teko ukwaw putar agwer maꞌe ihemaw wà nehe: ꞌar, kwarahy, àmàkyhaw, huwixàgaw, haku haw, mynykawhu, maiꞌu hawhu.
|
1
| 1
| 15
|
Aꞌe tatainy uhyape katu putar ywak rehe ywy hexak kar pà aꞌe wà nehe, iꞌi uzeupe. Uzeapo maꞌe izeꞌeg rupi katete.
|
1
| 1
| 16
|
Tupàn uzapo mokoz tatainy uhuaꞌu maꞌe aꞌe wà. Kwarahy uhuaꞌu weraꞌu zahy wi aꞌe. Tupàn umuigo kar kwarahy ꞌar heruzeꞌegar romo aꞌe. Tupàn umuigo kar zahy pytun heruzeꞌegar romo aꞌe no. Uzapo zahytata aꞌe wà no.
|
1
| 1
| 17
|
Tupàn omono aꞌe tatainy ywak rehe ywy rehe wamuhyape katu kar pà aꞌe wà.
|
1
| 1
| 18
|
Umuigo kar aꞌe tatainy ꞌar izar romo wà, ipytunaw izar romo wà no. Nezewe umunyryk kar tatainy ipytunuhu wi aꞌe. Naꞌe Tupàn wexak wemiapo kwer ikatuahy haw aꞌe.<CM>
|
1
| 1
| 19
|
Upaw pytun oho. Ikuꞌem kury. — 4 haw ꞌar, iꞌi izupe.
|
1
| 1
| 20
|
Naꞌe uzeꞌeg wi Tupàn. — Tuwe ꞌy tynehem wikuwe maꞌe ꞌy pe har pupe aꞌe nehe. Tuwe heta wiràmiri ywak rehe uwewe maꞌe ywy rehe aꞌe wà nehe no, iꞌi.<CM>
|
1
| 1
| 21
|
Nezewe Tupàn uzapo wikuwe maꞌe yryhu pe har uhuaꞌu maꞌe aꞌe wà. Uzapo wikuwe maꞌe hexakaw paw hereko har aꞌe wà: ꞌy pupe wiko maꞌe teteaꞌu wà, wiràmiri wà no. Tupàn wexak wemiapo kwer wakatuahy haw.
|
1
| 1
| 22
|
Naꞌe omono uzeꞌegatu wikuwe maꞌe yryhu pupe har wanehe aꞌe kury. Uzeꞌeg nezewe wanupe. — Tuwe peneta teteaꞌu nehe. Pemynehem yryhu nehe, iꞌi wanupe. Uzeꞌeg wiràmiri wanupe no. — Tuwe peneta teteaꞌu ywy rehe nehe, iꞌi wanupe.<CM>
|
1
| 1
| 23
|
Upaw pytun oho. Ikuꞌem kury. — 5 haw ꞌar, iꞌi izupe.
|
1
| 1
| 24
|
Naꞌe Tupàn uzeꞌeg wi aꞌe kury. — Tuwe ywy umuigo kar wikuwe maꞌe hexakaw paw hereko har aꞌe wà nehe: maꞌeaꞌyr tàpuznaw pe wiko maꞌe wà, miar kaꞌa pe har wà, maꞌe wie rehe wata maꞌe wà. Tuwe wanaꞌyr nuzawy kwaw u aꞌe wà nehe. Tuwe nuzawy kwaw uhy wà nehe. Uzeapo maꞌe izeꞌeg rupi katete.
|
1
| 1
| 25
|
Tupàn uzapo maꞌeaꞌyr pitàitàigatu aꞌe wà. Pitàitàigatu nuzawy kwaw u wà. Nuzawy kwaw uhy wà: maꞌeaꞌyr tàpuznaw pe wiko maꞌe wà, miar kaꞌa pe har wà, maꞌe wie rehe wata maꞌe wà. Tupàn wexak wemiapo kwer ikatu haw.
|
1
| 1
| 26
|
Naꞌe uzeꞌeg wi kury. — Xiapo putar teko zane wà nehe kury. Wiko putar zanezàwe wà nehe, iꞌi Tupàn uzeupe. — Wanexakaw nuzawy kwaw zanerexakaw wà nehe, iꞌi uzeupe. — Wiko putar wikuwe maꞌe paw wazar romo aꞌe wà nehe: ipira wazar romo wà, wiràmiri wazar romo wà, maꞌeaꞌyr tàpuznaw pe wiko maꞌe wazar romo wà, miar kaꞌa pe har wazar romo wà, maꞌe wie rehe wata maꞌe wazar romo wà, iꞌi uzeupe.<CM>
|
1
| 1
| 27
|
Tupàn uzapo teko wikuwe maꞌe nezewe aꞌe wà. Umuigo kar uzezàwe nugar romo wà: Uzapo awa. Uzapo kuzà no.
|
1
| 1
| 28
|
Omono uzeꞌegatu wanehe wanupe uzeꞌeg pà. — Tuwe heta teteaꞌu penaꞌyr wà nehe. Tuwe penaꞌyr uhàuhàz ywy nànàgatu wà nehe. Tuwe wiko ywy izar romo wà nehe. Tuwe wiko wikuwe maꞌe paw wazar romo wà nehe: ipira yryhu pupe har wazar romo wà, wiràmiri ywy ꞌaromo uwewe maꞌe wazar romo wà, maꞌe wie rehe wata maꞌe wazar romo wà.
|
1
| 1
| 29
|
Amono putar maꞌe hezuz maꞌe maꞌeàꞌyz hereko har peme upaw rupi katete ihe nehe, penemiꞌu ràm romo ihe nehe. Heta teteaꞌu putar maꞌywa ꞌyw peme nehe no. Amono putar iꞌa kwer peme penemiꞌu ràm romo upaw rupi katete nehe no.
|
1
| 1
| 30
|
Amono putar kaꞌapiꞌi maꞌeaꞌyr wanupe wanemiꞌu ràm romo ihe nehe. Amono putar kaꞌa wanupe wanemiꞌu ràm romo ihe nehe no: miar hehaite maꞌe upaw rupi katete wà, wiràmiri wà, maꞌe wie rehe wata maꞌe upaw rupi wà, iꞌi wanupe. Uzeapo maꞌe izeꞌeg rupi katete.
|
1
| 1
| 31
|
Tupàn wexak wemiapo kwer ikatuahy haw upaw rupi aꞌe. Upaw ipytunaw. Ikuꞌem kury. — 6 haw ꞌar, iꞌi izupe.<CM>
|
1
| 2
| 1
|
Nezewe Tupàn umumaw iapo haw aꞌe kury: ywak, ywy, ywak rehe har wà, ywy rehe har wà.
|
1
| 2
| 2
|
7 haw ꞌar mehe Tupàn umumaw maꞌe iapo haw upaw rupi katete. Upytuꞌu umaꞌereko re aꞌe maꞌe iapo re.
|
1
| 2
| 3
|
Naꞌe omono uzeꞌegatu 7 haw ꞌar rehe kury. Omonokatu aꞌe ꞌar uzeupe ikatu maꞌe romo, taꞌe upytuꞌu aꞌe ꞌar mehe maꞌe paw iapo re xe.
|
1
| 2
| 4
|
Nezewe Tupàn uzapo ywak. Nezewe uzapo ywy.<CM>
|
1
| 2
| 5
|
<TS1>Maꞌetymaw En her maꞌe<Ts>Tupàn ywak iapo mehe, ywy iapo mehe, naheta pixik kwaw ni kaꞌapiꞌi ni maꞌe hezuz maꞌe aꞌe ꞌar rehe rihi, taꞌe Tupàn Tuweharupi Wiko Maꞌe aꞌe xe, numugyr kar kwaw àmàn aꞌe ꞌar mehe aꞌe rihi xe. Naheta kwaw teko ko pe umaꞌereko maꞌe ywy rehe aꞌe wà rihi.
|
1
| 2
| 6
|
Ywy wi uhem typyàkwenahy maꞌe oho uwyryk pà ywy imuàkym pà.
|
1
| 2
| 7
|
Naꞌe Tupàn umuapuꞌa ywy kuꞌi kwer awa romo iapo pà aꞌe kury. Nuikuwe kwaw awa aꞌe rihi. Upy Tupàn awa iapygwar rupi ywytu purumuigo kar maꞌe imono pà izupe kury. Nezewe mehe wiko wikuwe maꞌe romo aꞌe kury.<CM>
|
1
| 2
| 8
|
Naꞌe Tupàn Tuweharupi Wiko Maꞌe uzapo maꞌetymaw aꞌe pe kury, En ywy her maꞌe rehe kury, ywy kwarahy ihemaw kutyr har rehe kury. Omono wemiapo kwer awa aꞌe ywy rehe.
|
1
| 2
| 9
|
Naꞌe Tupàn Tuweharupi Wiko Maꞌe umutuaꞌu kar maꞌeꞌyw puràg eteahy maꞌe teteaꞌu paw rupi katu aꞌe pe kury. Iꞌa katu aꞌe pe. Iꞌa kwer ikatuahy iꞌu mehe. Heta amo maꞌeꞌyw purumuigo kar maꞌe aꞌe pe. Amo ae maꞌywa ꞌyw heta aꞌe pe no. Aze amo uꞌu iꞌa kwer nehe, ukwaw putar maꞌe nehe: ikatu maꞌe, ikatu ꞌym maꞌe no.<CM>
|
1
| 2
| 10
|
En ywy wi uwyryk amo ꞌy aꞌe, aꞌe maꞌetymaw imuàkym pà aꞌe. Aꞌe wi uhem mehe aꞌe yrykaw uzemuzaꞌazaꞌak 4 yrykawhu romo.
|
1
| 2
| 11
|
ꞌY ipy Pizom her romo aꞌe. Uwyryk Awira ywy izywyr. Heta ita hekuzar katu maꞌe or her maꞌe aꞌe ywy rehe.
|
1
| 2
| 12
|
Or aꞌe ywy rehe har ikatuahy aꞌe. Naheta kwaw ywy aꞌe or inuromo. Heta kàpuhàg zàwenugar aꞌe pe no. Naheta teteaꞌu kwaw aꞌe kàpuhàg. Zawaiw katu agwer kàpuhàg hexakaw. Heta amo ae ita hekuzar katu maꞌe aꞌe pe no.
|
1
| 2
| 13
|
Yrykaw mokoz haw aꞌe, Ziom her romo aꞌe. Uwyryk oho Kuxi ywy nànàn.
|
1
| 2
| 14
|
Yrykaw naꞌiruz haw aꞌe, Xikire her romo aꞌe. Uwyryk Axir ywy izywyr kwarahy heixe haw kutyr. Yrykaw zeirugatu haw aꞌe, Ewparat her romo aꞌe.<CM>
|
1
| 2
| 15
|
Naꞌe Tupàn umuigo kar awa maꞌetymaw En her maꞌe rehe aꞌe kury. — Ezekaiw katu hehe nehe, iꞌi izupe. — Ezapo maꞌetymaw xe nehe, iꞌi izupe.
|
1
| 2
| 16
|
Uzeꞌeg Tupàn Tuweharupi Wiko Maꞌe awa pe, wemiapo kar imumeꞌu pà izupe. — Erepuner maꞌeꞌyw iꞌa kwer paw iꞌu haw rehe nehe, iꞌi izupe.
|
1
| 2
| 17
|
— Xo pitài maꞌeꞌyw iꞌa kwer zo nereꞌu kwaw nehe. Eꞌu zo aꞌe maꞌeꞌa kwer nehe, iꞌi izupe. Aꞌe maꞌeꞌa ukwaw kar ikatu maꞌe purupe aꞌe, ukwaw kar ikatu ꞌym maꞌe purupe aꞌe no, iꞌi izupe. — Aze ereꞌu nehe, nereruzar kwaw hezeꞌeg nehe. Aze nereruzar kwaw hezeꞌeg nehe, aꞌe ꞌar mehe we eremàno putar azeharomoete nehe, iꞌi izupe.<CM>
|
1
| 2
| 18
|
Naꞌe Tupàn Tuweharupi Wiko Maꞌe uzeꞌeg kury. — Naꞌikatu kwaw awa aꞌe zutykaꞌi heko haw, iꞌi. — Azapo putar ipytywàgatu har izupe nehe. Wiko putar ipehegwer zàwenugar romo izupe nehe.<CM>
|
1
| 2
| 19
|
Tupàn ywy iapo pawire kury, uzapo miar hehaite maꞌe upaw rupi wà, wiràmiri paw wà no. Weraha wemiapo kwer aꞌe pe awa pe upaw rupi wà. — Emono waner wanupe upaw rupi nehe, iꞌi izupe. Omono awa waner wanupe upaw rupi. Aꞌe waner imono pyrer wà, wiko waner azeharomoete har romo wà.
|
1
| 2
| 20
|
Omono her wiràmiri wanupe upaw rupi. Omono her maꞌeaꞌyr tàpuznaw pe har wanupe, miar hehaite maꞌe kaꞌa pe har wanupe no. Naheta kwaw hemireko awa pe aꞌe rihi. Naheta kwaw ipehegwer zàwenugar izupe.<CM>
|
1
| 2
| 21
|
Naꞌe Tupàn umugerete kar aꞌe awa. Iker mehe oꞌok iàrukàgwer izuwi. Umuzeruwyk iꞌok awer no.
|
1
| 2
| 22
|
Naꞌe Tupàn umaꞌemaꞌe aꞌe awa iàrukàgwer aꞌe, kuzà romo iapo pà aꞌe. Weraha awa pe kury.
|
1
| 2
| 23
|
Naꞌe awa iꞌi uzeupe,<CL><CI><PI>Ikatuahy tuwe Tupàn hemiapo kwer ihewe kury.<CI>Ko kuzà aꞌe, toꞌo heroꞌo wi iꞌok pyrer romo hekon aꞌe, iꞌi uzeupe.<CI>Kuzà, aꞌe putar izupe nehe, taꞌe Tupàn oꞌok awa wi aꞌe xe.<CL><CM>
|
1
| 2
| 24
|
Aꞌe rupi ko ꞌar rehe awa wezar u aꞌe wà, wezar uhy aꞌe wà no, uzemonoꞌog pà wemireko rehe we aꞌe wà. Pitài teko zàwenugar romo wanekon wà.<CM>
|
1
| 2
| 25
|
Awa aꞌe, hemireko aꞌe no, naꞌimaꞌe kwaw wà. Ni kamir ni topoz numunehew kwaw wà. Nezewe rehe we naꞌimaranugar kwaw uzewi wà.<CM>
|
1
| 3
| 1
|
<TS1>Awa ipy kuzà ipy nuweruzar kwaw Tupàn zeꞌeg aꞌe wà<Ts>Uzapo Tupàn moz aꞌe, maꞌekwaw katu har romo aꞌe. Ukwaw weraꞌu maꞌe, amogwer miar wanuwi. Upuranu wà kuzà rehe. — Azeharomoete ruꞌu Tupàn iꞌi peme aꞌe, — Peꞌu zo maꞌeꞌyw iꞌa kwer maꞌetymaw pe har nehe, ni pitài zo zepe napeꞌu kwaw nehe, iꞌi ruꞌu peme aꞌe, iꞌi muaꞌu moz kuzà pe.<CM>
|
1
| 3
| 2
|
— Nan, iꞌi kuzà izupe. — Urupuner wyzài maꞌeꞌyw iꞌa kwer iꞌu haw rehe ure ꞌy, iꞌi izupe.
|
1
| 3
| 3
|
— Xo pe maꞌeꞌyw tymaw myter pe har iꞌa kwer zo napeꞌu kwaw nehe, iꞌi Tupàn urewe aꞌe ma, iꞌi kuzà moz pe. — Aze peꞌu nehe, aze pepokok hehe nehe, pemàno putar nehe, iꞌi urewe, iꞌi moz pe.<CM>
|
1
| 3
| 4
|
— Kwa, napemàno pixik kwaw nehe, iꞌi muaꞌu moz izupe.
|
1
| 3
| 5
|
— Tupàn uzeꞌeg nezewe aꞌe, taꞌe ukwaw ko maꞌe aꞌe xe. Aze peꞌu ꞌàg maꞌeꞌyw iꞌa kwer nehe, penehazawok putar nehe, peiko putar Tupàn zàwegatu nehe. Aze amo maꞌe ikatu nehe, pekwaw putar ikatu haw nehe. Aze amo maꞌe naꞌikatu kwaw nehe, pekwaw putar ikatu ꞌymaw nehe no, iꞌi muaꞌu izupe.<CM>
|
1
| 3
| 6
|
Kuzà umeꞌe aꞌe maꞌeꞌyw rehe kury. Ipuràg eteahy izupe. — Iꞌa kwer ikatuahy iꞌu mehe aipo ma, iꞌi uzeupe. — Aze mo akwaw katu maꞌe, ikatu mo, iꞌi. Naꞌe opoꞌo iꞌa kwer imuwà iꞌu pà kury. Weraha amo umen pe no. Uꞌu imen aꞌe no.
|
1
| 3
| 7
|
Aꞌe ꞌar mehe we hehazawokaw zàwenugar uzeapo wanupe kury. Aꞌe rupi — Zaiko imaꞌe ꞌym maꞌe romo zane, iꞌi uzeupe wà. Naꞌe upyhyk amo maꞌeꞌyw pi her maꞌe huwer aꞌe wà. Umuwywyk wopoz romo iapo pà uzeupe wà kury.<CM>
|
1
| 3
| 8
|
Aꞌe ꞌar mehe we karuk mehe ywytu purumurywete kar maꞌe ihem mehe awa aꞌe, hemireko aꞌe no, wenu Tupàn Tuweharupi Wiko Maꞌe izeꞌeg mehe aꞌe wà kury. Taꞌe ukwaw oho iko maꞌetymaw myteromo aꞌe xe. Naꞌe uzeàmim maꞌeꞌyw myter pe izuwi wà.
|
1
| 3
| 9
|
Naꞌe Tupàn Tuweharupi Wiko Maꞌe wenoz awa imuwà kury, hehe upuranu pà kury. — Maꞌe pe ereiko ty, iꞌi izupe.<CM>
|
1
| 3
| 10
|
Awa uwazar izeꞌeg izupe. — Aenu nezeꞌeg kwez ihe, maꞌetymaw myteromo nekwaw mehe ihe. Akyze kwez newi, taꞌe nahemaꞌe kwaw xe. Aꞌe rupi azeàmim kwez newi, iꞌi izupe.<CM>
|
1
| 3
| 11
|
Aꞌe rupi Tupàn upuranu hehe. — Mo ukwaw kar nemaꞌe heta ꞌymaw newe aꞌe, iꞌi izupe, hehe upuranu pà. — Eꞌu zo aꞌe maꞌywa nehe, aꞌe peme ihe. — Aipo ereꞌu raꞌe, iꞌi izupe.<CM>
|
1
| 3
| 12
|
— Kuzà herehe we har ihewe neremimurer aꞌe, umur aꞌe maꞌywa ihewe iꞌu kar pà aꞌe. Aꞌe rupi aꞌu ihe, iꞌi izupe.<CM>
|
1
| 3
| 13
|
Naꞌe Tupàn upuranu kuzà rehe kury, — Màràzàwe tuwe erezapo nezewe haw, iꞌi izupe. — Moz hemuꞌem ihewe, aꞌe rupi aꞌu maꞌywa, iꞌi Tupàn pe.<CM>
|
1
| 3
| 14
|
<TS1>Tupàn uzepyk Ànàw rehe hemireko rehe no<Ts>Naꞌe Tupàn uzeꞌeg moz pe kury. — Azepyk putar nerehe ihe nehe, taꞌe erezapo kar heremiapo putar haw ꞌym kuzà pe ne xe, iꞌi izupe. — Nazepyk kwaw amogwer miar wanehe nezewe nehe, xo nerehe zo amono putar hezeꞌegaiw nehe, iꞌi moz pe. — Ko ꞌar henataromo ereata putar ywy rehe nehe, nerie rehe nehe. Ereꞌu putar ywy kuꞌi kwer nehe no. Tuweharupi ereata iko nezewe nehe, iꞌi izupe.
|
1
| 3
| 15
|
— Urumuigo kar putar aꞌe kuzà iàmàtyryꞌymar romo ihe nehe, amuigo kar putar aꞌe kuzà neàmàtyryꞌymar romo ihe nehe no. Nezuapyapyr aꞌe wà nehe, wiko putar izuapyapyr waàmàtyryꞌymar romo aꞌe wà nehe. Izuapyapyr wiko putar nezuapyapyr waàmàtyryꞌymar romo aꞌe wà nehe no. Pitài izuapyr ukamik putar neàkàg newi nehe. Ne erexiꞌu putar izuapyr ipyakaza rehe ne nehe no, iꞌi izupe.<CM>
|
1
| 3
| 16
|
Naꞌe Tupàn uzeꞌeg kuzà pe. — Nememyr wazexak kar ꞌym mehe hahy weraꞌu putar newe nehe, iꞌi izupe. Uhuaꞌu putar hahy haw newe izexak kar mehe nehe no. Nezewe rehe we neho wer putar nemen ipuhe nehe. Nemen wiko putar nereruzeꞌegar romo aꞌe nehe. Wiko putar nezar romo nehe, iꞌi izupe.<CM>
|
1
| 3
| 17
|
Naꞌe Tupàn uzeꞌeg awa pe kury. — Neremireko uꞌu kar aꞌe maꞌe ꞌa kwer newe aꞌe. — Eꞌu zo aꞌe maꞌywa ꞌyw iꞌa kwer nehe, aꞌe newe. Nezewe rehe we ereꞌu. Nereruzar kwaw hezeꞌeg, aꞌe rupi amono putar hezeꞌegaiw ywy rehe ihe nehe. Ywy rehe nereko mehe eremaꞌereko teteaꞌu putar tuweharupi nehe. Xo nezewe mehe zo ywy umuezuz kar putar neremiꞌu ràm newe nehe.
|
1
| 3
| 18
|
Kaꞌa teteaꞌu hezuz putar ywy rehe newe nehe. Xu teteaꞌu hezuz putar ywy rehe newe nehe no. Aꞌe rupi ereꞌu putar maꞌe kaꞌa pe hezuz maꞌe nehe no, iꞌi izupe.
|
1
| 3
| 19
|
Eremaꞌereko teteaꞌu putar nehe. Nepirakor putar nehe no. Xo nezewe mehe zo ywy umuezuz putar neremiꞌu ràm newe nehe. Tuweharupi eremaꞌereko putar nezewe nehe. Amuapuꞌa ywy ihe, awa romo neapo pà ihe. Amo ꞌar mehe erezewyr putar ywy rehe nehe, ywy romo nereko wi pà nehe. Xo aꞌe ꞌar mehe eremumaw putar ywy rehe nemaꞌereko haw nehe, iꞌi izupe.<CM>
|
1
| 3
| 20
|
Naꞌe Ànàw omono her wemireko pe kury. — Ewà, iꞌi izupe. — Teko paw wahy, iꞌi her zanezeꞌeg rupi.
|
1
| 3
| 21
|
Naꞌe Tupàn Tuweharupi Wiko Maꞌe uzuka maꞌeaꞌyr wà. Upyhyk wapirer wanuwi. Uzapo wamaꞌe Ànàw pe, hemireko pe no. Umunehew aꞌe umaꞌe uzehe wà.<CM>
|
1
| 3
| 22
|
<TS1>Tupàn omono kar Ànàw maꞌetymaw wi hemireko rehe we kury<Ts>Naꞌe Tupàn Tuweharupi Wiko Maꞌe uzeꞌeg aꞌe kury. — Awa wiko zanezàwegatete aꞌe kury. Aze wexak ikatu maꞌe, — Ikatu maꞌe, iꞌi izupe. Aze wexak ikatu ꞌym maꞌe, — Ikatu ꞌym maꞌe, iꞌi izupe. Aꞌe rupi nupuner kwaw maꞌywa ꞌyw iꞌa kwer purumuigo kar maꞌe iꞌu haw rehe aꞌe nehe kury. Nuiko kwaw tuweharupi nehe. Umàno putar nehe.<CM>
|
1
| 3
| 23
|
Aꞌe rupi Tupàn Tuweharupi Wiko Maꞌe umuhem kar awa imono maꞌetymaw En her maꞌe wi aꞌe kury. Utym kar maꞌe izupe ywy rehe, taꞌe izypy mehe umuapuꞌa ywy aꞌe awa romo iapo pà aꞌe xe.
|
1
| 3
| 24
|
Tupàn umuhem kar awa imono aꞌe maꞌetymaw wi aꞌe. Omono kar amo weko haw pe har kerumin her maꞌe aꞌe pe wà, maꞌetymaw tupaw pe wà, kwarahy ihemaw kutyr wà. Umupuꞌàm takihepuku tata zàwenugar aꞌe pe no. Aꞌe takihe tata zàwenugar oho ko rupi, uzewyr kwe rupi no, oho ko rupi no, uzewyr kwe rupi no. Tupàn uzapo nezewe haw aꞌe. Nezewe mehe zo teko noho kwaw aꞌe maꞌeꞌyw purumuigo kar maꞌe huwake aꞌe wà xe.<CM>
|
1
| 4
| 1
|
<TS1>Kain Apew rehe we<Ts>Ànàw upurumuzàg iko wemireko Ewà rehe we aꞌe kury. Ipuruꞌa kury. Imemyr uzexak kar. Naꞌe uzeꞌeg Ewà uzeupe kury. — Tupàn Tuweharupi Wiko Maꞌe hepytywàgatu aꞌe. Aꞌe rupi uzexak kar hememyr kwez kury. Awa aꞌe, iꞌi uzeupe. Omono Kain umemyr her romo kury.
|
1
| 4
| 2
|
Uzexak kar amo imemyr Kain tywyr no. Apew her romo aꞌe. Tuaꞌu mehe wiko àràpuhàràn hawitu maꞌe monoꞌogar romo. Kain wiko maꞌetymar romo.<CM>
|
1
| 4
| 3
|
Kwehe wanekon nezewe wà. Amo ꞌar mehe Kain upyhyk wemitygwer iꞌa kwer heruwà Tupàn pe imono pà kury.
|
1
| 4
| 4
|
Naꞌe Apew upyhyk àràpuhàrànaꞌyr weimaw wainuromo uzexak kar romo maꞌe kwer ipy heruwà aꞌe kury. Uzuka kury. Omono ipegegwer ikatu weraꞌu maꞌe Tupàn pe. Ikatu Apew hemimono kwer Tupàn pe. Ikatu Apew izupe no.
|
1
| 4
| 5
|
Kain hemirur kwer naꞌikatu kwaw izupe. Kain naꞌikatu kwaw izupe no. Aꞌe rupi Kain wikwahy uwywyr pe huwamànoahy pà.
|
1
| 4
| 6
|
Naꞌe Tupàn uzeꞌeg izupe, — Màràzàwe tuwe erekwahy ne, màràzàwe tuwe neruwamànoahy ihewe, iꞌi izupe.
|
1
| 4
| 7
|
— Aze mo erezapo ikatu maꞌe, nerurywete mo, iꞌi izupe. — Erezapo ikatu ꞌym maꞌe. Aꞌe rupi ikatu ꞌymaw upyta neràro pà neràpuz hukenaw huwake aꞌe kury. Heko wer nezar romo aꞌe kury. Aze erepuner nehe, eityk nehe, iꞌi izupe.<CM>
|
1
| 4
| 8
|
Naꞌe Kain uzeꞌeg uwywyr Apew pe kury. — Zaha kaꞌapiꞌi heta haw pe zane nehe kury, iꞌi izupe. Oho aꞌe pe wà. Naꞌarewahy uzàmàtyryꞌym Kain uwywyr Apew kury. Uzuka kury.<CM>
|
1
| 4
| 9
|
Nan kwehe tete Tupàn upuranu Kain rehe kury. — Maꞌe pe nerywyr Apew hekon aꞌe, iꞌi izupe. — Nakwaw kwaw heko haw ihe. Aipo aiko herywyr rehe uzekaiw maꞌe romo ihe, iꞌi izupe.<CM>
|
1
| 4
| 10
|
— Màràzàwe tuwe erezapo nezewe haw, iꞌi Tupàn izupe. — Nerywyr huwy kwer ywy rehe uwyryk maꞌe aꞌe, uhapukaz iko ihewe aꞌe. Wenoz nerehe hezepyk àwàm ihewe aꞌe.
|
1
| 4
| 11
|
Aꞌe rupi amono putar hezeꞌegaiw nerehe ihe nehe kury. Nerepuner kwaw nemaꞌereko haw rehe ywy rehe kury, taꞌe nerywyr izuka mehe ywy uꞌu huwykwer aꞌe xe, iꞌi izupe.
|
1
| 4
| 12
|
— Aze eremuhyk ywy neremitym ràm rehe nehe, nahezuz pixik kwaw maꞌe newe nehe. Ereata e putar eho iko ywy nànàn nehe, puruwi nezàn pà nehe, iꞌi izupe.<CM>
|
1
| 4
| 13
|
Uzeꞌeg Kain Tupàn Tuweharupi Wiko Maꞌe pe. — Napuner kwaw hereko haw rehe ihe nehe, taꞌe herehe nezepykaw ipuhuz katu weraꞌu ihewe xe, iꞌi izupe.
|
1
| 4
| 14
|
— Kutàri hemuhem kar pe iko ko ywy wi ne kury, hemuata e kar pà ne kury. Tuweharupi ata putar aha iteko ywy nànàn nehe kury. Tuweharupi àzàn putar hezeàmim pà newi ihe nehe kury. Wyzài teko heremiàwàxi ràm aꞌe wà nehe, ipuruzuka wer putar herehe aꞌe wà nehe, iꞌi izupe.<CM>
|
1
| 4
| 15
|
Naꞌe Tupàn uzeꞌeg izupe. — Nuzeapo kwaw nezewe haw nehe. Aze amo nezuka nehe, azuka kar putar 7 iànàm ihe wà nehe, taꞌe azepyk putar wanehe nezewe ihe nehe xe, iꞌi izupe. Naꞌe Tupàn Tuweharupi Wiko Maꞌe ukair Kain hetekwer rehe kury. — Aze amo neruwàxi nehe, nanezuka kwaw nehe, taꞌe wexak putar nerehe heremimuapyk kwer nehe xe, iꞌi izupe.
|
1
| 4
| 16
|
Naꞌe Kain uhem oho Tupàn Tuweharupi Wiko Maꞌe henatar wi kury, Noz ywy rehe weko haw iapo pà kury. Upyta En ywy izywyr kwarahy ihemaw kutyr.<CM>
|
1
| 4
| 17
|
<TS1>Kain izuapyapyr wà<Ts>Naꞌe Kain hemireko imemyrzexak kar kury. Awa aꞌe. Omono Enok izupe her romo wà. Amo ꞌar pawire Kain uzapo amo tawhu kury. — Enok, iꞌi aꞌe tawhu pe, waꞌyr her imono pà izupe.
|
1
| 4
| 18
|
Heta amo Enok taꞌyr Iraz her maꞌe izupe aꞌe. Heta amo Iraz taꞌyr Mewzaew her maꞌe izupe aꞌe. Heta amo Mewzaew taꞌyr Metuzaew her maꞌe izupe aꞌe. Heta amo Metuzaew taꞌyr Aramek her maꞌe izupe aꞌe.<CM>
|
1
| 4
| 19
|
Heta mokoz hemireko Aramek pe aꞌe wà. Hemireko ipy Ata her romo aꞌe. Inugwer Zira her romo aꞌe.
|
1
| 4
| 20
|
Heta amo imemyr Ata pe aꞌe. Zamaw her romo aꞌe. Zamaw wiko tapiꞌak imuzehu kar har ywy rehe har waipy romo aꞌe. Tàpuzràn pupe wanekon wà.
|
End of preview. Expand
in Data Studio
YAML Metadata
Warning:
empty or missing yaml metadata in repo card
(https://huggingface.co/docs/hub/datasets-cards)
Scriptures Translation Project
Welcome to the Scriptures Translation Project! This repository contains information about translations of religious scriptures in various languages. Below is a table summarizing two translations available in Guajajara and Guarani languages for Brazil.
Translations
| Description | Abbreviation | Comments | Version | VersionDate | PublishDate | RightToLeft | OT | NT | Strong |
|---|---|---|---|---|---|---|---|---|---|
| The Scriptures in Guajajara of Brazil. [gub] | Guajajara | The Scriptures in Guajajara of Brazil. [gub] A Bíblia Sagrada na língua Guajajara. [gub] ... [long comments] | 1.1 | 1970-01-01 | 0 | 1 | 1 | 1 | 0 |
| The Bible in Guarani of Brazil. [gun] | Guarani | The Bible in Guarani of Brazil. [gun] A Bíblia Sagrada na língua guarani mbyá do Brasil. [gun] ... [long comments] | 1.1 | 1970-01-01 | 0 | 1 | 1 | 1 | 0 |
Please note that the "Comments" column contains lengthy text, and its summary is challenging without further specific information or truncation criteria. If you need specific details from the comments or any further information, please let us know, and we'll be glad to assist you accordingly.
Sources
- MySword App: Explore more translations and resources using the MySword Bible app.
Dataset Information (YAML)
- machine_translation:
pretty_name: "Indigenous Bible"
language:
- "List of ISO 639-1 code for your language"
- Guajajara
- Guarani
tags:
- translation
- scripture
- bible
- task translation
license: "MIT"
task_categories:
- machine translation
- Downloads last month
- 13